لاهور 15 اګست (اے پي پي) د اطلاعات او خپرونو وفاقي وزير عطا الله تارړ وئيلي دي نن چې چا سره موبائل دے ھغه وي لاګر او يوټيوبر جوړې??ے شي٬ سوشل ميډيا لپاره قواعد او ضوابط ضروري دي ۔ ده دا خبره د زيارت په ورځ د سينئر خبريال، د پنجاب اسمبلۍ د پرېس ګېلرۍ صدر اخلا?? باجوه خدائے بخښلي د كور دورې په مهال د هغه كورنۍ سره ملاقات او د فاتحه خوانۍ نه پس ميډيا سره په خبرو كښې كړې۔ وفاقي وزير ووئيل اخلا?? باجوه سره ښه وخت تېر شوے٬ هغه يو فرض شناس او ديانتدار خبريال ٶ۔ ده ووئيل د ارواښاد د كورنۍ په مونږ حق دے او د ھغوي پالنه زمونږ په فرائضو كښې شامله ده۔ ده ووئيل صحافت آسان کار نه دے٬ دا ځان اور ته نيول دي٬ په سخت موسم كښې وظيفه ترسره كول د خدائے د مخلوق خدمت دے۔ ده ووئيل د پنجاب سپيکر ملك محمد احمد خان د اخلا?? باجوه زوي ته د ملازمت وركولو پحقله اعلان كړے٬ مونږ 25 لکه روپۍ فكس ډيپازټ كوٶ او تر سبا نه بلې ورځ به امانت دوي ته وسپارو دغسې چې د ماشومانو په تعليم او په نورو معاملو كښې تعطل رانشي۔ ده ووئيل زه غواړم چې يوه كمېټي جوړه كړې شي٬ مونږ يو پروګرام پېل كړو كوم چې د حكومت پروګرام هم كې??ے شي او ھغه د اخلا?? باجوه په نامه منسوب كړو٬ د پرېس كلب دننه يو حال ٬ يوه سركاري ودانۍ هم د اخلا?? باجوه په نامه منسوب كېدې شي دغسې چې د دوي ياد ژوندے پاتې شي۔ ده زياته كړه چې وفاقي حکومت هيلتھ انشورنس پروګرام پېل كړے ٬ مونږ د بېلا بېلو ادارو د اشتهارونو په مد كښې 1.6 اربه واجبات ادا كړي٬ مونږ وئيلي دي څومره چې واجبات دي هغه دې وركړے شي٬ مونږ ادارو ته وئيلي دي چې د خپلو ملازمانو تنخاګانې زياته كړئ٬ زه چې كله هم مالکان يا سينئر مينجمنټ سره ملاقات كوم هم دا وائم چې د خپل وركرز تنخاګانې وركړئ۔ ده ووئيل د ميډيا ورکرز استحصال پكار نه دے بلكې ادارې دې د دوي ويلفيئر لپاره كارونه وكړي٬ مونږ هيلتھ انشورنس پېل كړے چې په ورومبي پړاٶ كښې به ترې لس زره خبريالان مستفيد كېږي، د انشورنس پريميم ادا كړے شوے ۔ د لاهور پريس کلب د ګرانټ په حواله ده ووئيل د اطلاعات صوبائي وزيرې عظمي بخاري سره به خبره كوم۔ ده ووئيل مونږ خو غواړو چې لائف انشورنس هم وي٬ حكومت چمتو دے٬ ادارې دې رامخې ته شي او په دې كښې دې خپله برخه واچوي دغسې كه دا ډول كومه پېښه رامخئ ته شي نو چې د دوي كفالت لپاره اعلان كول نه وي۔ د يوې پوښتنې په ځواب ده ووئيل نن چې چا سره موبائل دے ھغه وي لاګر او يوټيوبر جوړې??ے شي٬ سوشل ميډيا لپاره قواعد او ضوابط ضروري دي، كله چې هم دې لپاره اقدام كېږي نو دا وئيلي كېږي چې د رائے د اظهار په آزادۍ قدغن لګېدونكے دے، دې لپاره به يوه داسې باډي جوړول وي دغسې چې دا په ايډيټوريل کنټرول كښې راوستلې شي۔
